കേന്ദ്ര – പൊതുമേഖല പെൻഷൻകാർ നിലനിൽപിന്നായുള്ള പോരാട്ടത്തിൽ…

2025 മാർച്ച്‌ 25 ന്ന് ലോകസഭയും 27ന്ന് രാജ്യ സഭയും തിരക്ക് പിടിച്ചു ചർച്ച ഒന്നും ഇല്ലാതെ പാസ്സാക്കുകയും മാർച്ച്‌ 29 ന്ന് ഗസറ്റ് നോട്ടിഫിക്കേഷൻ പുറപ്പെടുവിക്കുകയും ചെയ്ത പെൻഷൻ വാലിഡിയേഷൻ നിയമത്തിലൂടെ പെൻഷൻകാർ കാലാകാലങ്ങളായി നേടിയെടുത്ത പല അവകാശങ്ങളും ഇല്ലാതാക്കിയിരിക്കുകയാണ്.

പെൻഷൻകാരുടെ മാഗ്ന കാർട്ട എന്ന് പറയാറുള്ള 1982 ലെ സുപ്രീം കോടതി ഭരണ ഘടനാ ബെഞ്ചിന്റെ വിധിയിൽ പ്രഖ്യാപിച്ച, പെൻഷൻകാർ ഒരു വിഭാഗമാണ്, വിവേചനം പാടില്ല, പുതിയ നേട്ടങ്ങൾ പഴയ പെൻഷൻ കാർക്കും ബാധകമാണ്, അന്തസ്സോടെയും അഭിമാനത്തോടെയും ജീവിക്കാനുള്ള പെൻഷൻ നൽകണം തുടങ്ങിയ അവകാശങ്ങൾ എല്ലാം ഇല്ലാതാക്കുന്ന ഒരു കരി നിയമമാണ് പാസ്സാക്കപ്പെട്ടത്. പുതിയ ശമ്പള പരിഷ്കരണം, ക്ഷാമ ആശ്വാസം എന്നിവ പഴയ പെൻഷൻകാർക്ക് ലഭ്യമാവുകയില്ല.

ഇതിനെതിരെ അതിശക്തമായ പ്രക്ഷോഭങ്ങൾക്ക് രൂപം കൊടുത്തിരിക്കുകയാണ് 40 ഓളം പെൻഷൻ സംഘടനകളുടെ കൂട്ടായ്മയായ ഫോറം ഓഫ് സിവിൽ പെന്ഷനേഴ്സ് അസോസിയേഷൻ.

ആദ്യ പരിപാടിയായ ജൂലൈ 25 ന്റെ മനുഷ്യച്ചങ്ങലയിൽ ഇന്ത്യയിലെ വിവിധ ജില്ല കേന്ദ്രങ്ങളിലായി ലക്ഷങ്ങളാണ് പങ്കെടുത്തത്. അടുത്ത പരിപാടി ആഗസ്റ്റ് 26 ന്ന് രാജ് ഭവൻ മാർച്ചും, സെപ്റ്റംബർ 19 ന്ന് എറണാകുളത്തു വെച്ചു ഒരു കൺവെൻഷൻ കൂടുകയുമാണ്. അത് കഴിഞ്ഞാൽ ഒക്ടോബർ 10 ഡൽഹിയിൽ ആയിരങ്ങളുടെ ‘ പാർലിമെന്റ് മാർച്ച്‌ ‘ സംഘടിപ്പിക്കപ്പെടും.

2004 ൽ ‘പുതിയ പെൻഷൻ നയം ‘ നടപ്പാക്കി മുൻപ് ലഭ്യമായിരുന്ന പല അവകാശങ്ങളും 2004 മുതൽ നിയമിക്കപ്പെട്ടവർക്ക് ഇല്ലാതാക്കി. ഇപ്പോൾ പഴയ പെൻഷൻകാർക്കും എതിരെയും ആക്രമണം. കേന്ദ്ര പെൻഷൻകാർക്ക് ഈ പുതിയ നിയമം നടപ്പിലാക്കിയാൽ തുടർന്ന് സംസ്ഥാന സർക്കാർ പെൻഷൻകാർക്കും നടപ്പിലാക്കും എന്ന കാര്യത്തിൽ സംശയമില്ല.

നിലവിലുള്ളവ നിലനിർത്താനും നിഷേധിക്കപ്പെട്ട അവകാശങ്ങൾ തിരിച്ചു പിടിക്കാനും വേണ്ടിയുള്ള ഏറ്റവും ന്യായമായ ഈ പോരാട്ടങ്ങൾ വിജയിപ്പിക്കുക.

വി എ എൻ 14.08.2025

സ്വാതന്ത്ര്യദിനാശംസകൾ!

ഇന്ത്യക്ക് ബ്രിട്ടീഷ് സാമ്രാജ്യത്വത്തിൽ നിന്നും മോചനം ലഭിച്ച് 78 വർഷം. 2025 ആഗസ്റ്റ് 15 ന്ന് 79 ആം സ്വാതന്ത്ര്യദിനം.

ഓർമ്മകൾ പുറകോട്ട്. 1757 പ്ലാസി യുദ്ധത്തോടെ, ചതിയിലും വഞ്ചനയിലും കൂടെ , രാജാക്കന്മാരെ തമ്മിലടിപ്പിച്ചു, ബ്രിട്ടീഷുകാർ ഈ രാജ്യത്തെ കാൽക്കീഴിലാക്കി. 1857 ലെ ഒന്നാം സ്വാതന്ത്ര്യ സമരം ( ശിപ്പായി ലഹള ) അടിച്ചമർത്തപ്പെട്ടു. 1885ൽ കോൺഗ്രസ്‌ രൂപീകരണത്തോടെ സ്വാതന്ത്ര്യ സമരം വീണ്ടും ശക്തിയോടെ.

1947 ൽ സ്വാതന്ത്ര്യം ലഭിക്കുമ്പോൾ ഞാൻ മൂന്നാം ക്ലാസ്സിൽ. സ്കൂളിന്റെ ചുറ്റിലും ത്രിവർണ പതാകയും പിടിച്ചു ഗാന്ധിജിക്ക് ജയ് വിളിച്ചു മറ്റ് കുട്ടികളൊപ്പം നടന്നതിന്റെ ഓർമ്മ.

ആറാം ക്ലാസ്സിൽ. ചേർന്നപ്പോൾ ഇംഗ്ലീഷ് പുസ്തകത്തിന്റെ ആദ്യ പാഠം ബ്രിട്ടീഷ് രാജാവിനെക്കുറിച്ച്: ” King Edward VI is the King of England and the Emperor of India. ” സ്വാതന്ത്ര്യം കിട്ടി 3 വർഷം കഴിഞ്ഞിട്ടും രാജാവിനെക്കുറിച്ച് പാഠം!

1950 ജനുവരി 26 ന്നു ഭരണഘടന അംഗീകരിക്കപ്പെട്ടു. ഇന്ത്യ ജനാധിപത്യ റിപ്പബ്ലിക് ആയി പ്രഖ്യാപിക്കപ്പെട്ടു.

ഇന്ത്യ സ്വതന്ത്ര്യയായി 78 വർഷം കഴിഞ്ഞിരിക്കുന്നു. ഭരണ ഘടനക്കും മൗലിക അവകാശങ്ങൾക്കും നേരെ ഭരണാധികാരികളിൽ നിന്നു തന്നെ വെല്ലുവിളി ഉയരുന്നു. മതനിരപേക്ഷത വെല്ലുവിളി നേരിടുന്നു..

ഏറ്റവും കൂടുതൽ ജനസംഖ്യയുള്ള രാജ്യമായി ഉയർന്നിരിക്കുന്നു, അതോടൊപ്പം ഏറ്റവും പാവപ്പെട്ടവരുള്ള രാജ്യമായും.

പുരോഗമന ശക്തികളും, തൊഴിലാളിമാരും പാവപ്പെട്ടവരും എല്ലാം ന്യായമായ അവകാശങ്ങൾക്ക് വേണ്ടിയുള്ള പോരാട്ടത്തിൽ…

എല്ലാവർക്കും സ്വാതന്ത്ര്യാദിനാശംസകൾ!

14.08.2025

Memories…

Don’t remember when and where..

An eternal camaraderie …

Red Salute Com. P V C!

ഓർമ്മകൾ….

പ്രിയപ്പെട്ട സഖാവ് കേളു ഏട്ടന്റെ ( എം കെ കേളു )കൂടെ…

സ. ഇ എം എസ്സിന്റെ അടക്കം ലക്ഷങ്ങളുടെ കേളുവേട്ടൻ….

കാലം എത്ര കഴിഞ്ഞാലും ആ സ്നേഹവും കരുതലും മറക്കാനാകില്ല….

എത്രയെത്ര ആവേശകരമായ ഓർമ്മകൾ…

സഖാവെ, ലാൽ സലാം..

Memories….

With Com. S. C. Bhattacharjee and family. Com. Bhattacharjee was All India treasurer of BSNLEU and Circle Secretary Chattisgarh. He was one of the senior leaders who were respected by all. After retirement was leader of AIBDPA. He was also a Secretariat Member of CPI(M) Chattisgarh.

He passed away a year back. We lost one of the most dedicated Comrades.

Com. E.M.S.Namboodiripad inaugurating the Palakkad Conference of the P&T Co-Ordinating Committee (NFPTE ) Kerala. Comrades Suseela Gopalan, A.K.Balan, T.Sivadasa Menon and other prominent leaders as also Circle Secretaries of P & T Unions can be seen on the stage.

Smiling faces all along…

The three generations of fight for the downtrodden, great tradition and for progress.

Com. Jyotsna Bose ( wife of Com. Moni Bose ), Susmitha Bose ( daughter of Jyotsna and wife of Com. Neelotpal Basu, PBM CPI(M) ) and Ranjini Basu ( daughter of Susmitha and writer ).

A lovely picture indeed. Fortunate to be a family friend.

V A N 10.08.2025

ഓർമ്മകൾ…

1996 ൽ ടെലികോം വകുപ്പിൽ നിന്നും വിരമിച്ചപ്പോൾ ജൂലൈ 5 ന്നു കോഴിക്കോട്ടെ സഖാക്കളും സുഹൃത്തുക്കളും ടൗൺ ഹാളിൽ വെച്ച് നൽകിയ പൊതു സ്വീകരണത്തിന്റെ, ചില ഫോട്ടോകൾ..

സഖാക്കൾ എം പി. വീരേന്ദ്ര കുമാർ, എം പി, ഓ. ഭരതൻ എം പി, എം കെ പ്രേമജം മേയർ, എം . കേളപ്പൻ, ( ജില്ല സെക്രട്ടറി സിപിഐഎം ), എം ദാസൻ എം എൽ എ, എം വാസു (CITU ) ശ്രി സാദിരി കോയ (INTUC), സഖാക്കൾ ടി. പി. രാമകൃഷ്ണൻ(CITU), കെ. കൃഷ്ണൻ (FSETO), എം കൃഷ്ണൻ, പി വി ചന്ദ്രശേഖരൻ, കെ രാമൻ, കെ ആർ ശിവദാസ്( NFPTE) തുടങ്ങിയവർ സംസാരിച്ചു. കോഴിക്കോട്ടെ വിവിധ കേന്ദ്ര സംസ്ഥാന പൊതുമേഖല യൂണിയനുകളുടെയും CITU, AITUC, INTUC, HMS തുടങ്ങിയ കേന്ദ്ര ട്രേഡ് യൂണിയനുകളുടെയും ഒട്ടേറെ നേതാക്കളും പ്രവർത്തകരും പ്രത്യേകിച്ച് കേന്ദ്ര – കമ്പിതപ്പാൽ ജീവനക്കാരും പങ്കെടുക്കുകയുണ്ടായി. പലരും പിന്നീട് തങ്ങളുടെ സംഘടനകളുടെ സംസ്ഥാന – അഖിലേന്ത്യ ഭാരവാഹികളായ സമുന്നത നേതാക്കൾ. ഒട്ടേറെ സാംസ്കാരിക നേതാക്കളും പങ്കാളികളായി. ടൗൺഹാളിനകത്തും പുറത്തും നിറഞ്ഞു നിന്ന സുഹൃത്തുക്കളും സഖാക്കളും. 1991 ൽ അഖിലേന്ത്യ പ്രസിഡന്റും തുടർന്ന് ജനറൽ സെക്രട്ടറിയായും ഡൽഹിയിലാണ് പ്രവർത്തിച്ചതെങ്കിലും കോഴിക്കോട് ബന്ധങ്ങൾ എന്നും ആവേശമായിരുന്നു.

( സ. എം പി വീരേന്ദ്ര കുമാർ സംസാരിക്കുമ്പോൾ, താൻ കോട്ടക്കൽ ആര്യവൈദ്യശാലയിലെ ചികിത്സക്കിട യിൽ നിന്നു വരികയാണെന്നും തന്നെ തൈലം മണക്കുമെന്നും തിരിച്ചു അങ്ങോട്ട് തന്നെ പോകേണ്ടതുണ്ടെന്നും നമ്പൂതിരിയുടെ സ്വീകരണത്തിന്നു എങ്ങിനെ വരാതിരിക്കാൻ കഴിയുമെന്നും ചോദിക്കുകയുണ്ടായി. സംസാരിച്ച മറ്റൊരു നേതാവ് പറഞ്ഞത് താൻ INTUC ആണെങ്കിലും പല ടി യു പാഠങ്ങളും പഠിച്ചത് വി എ എൻ ന്നിൽ നിന്നാണെന്നും ).

പ്രിയ സുഹൃത്തുക്കളും സഖാക്കളും നൽകിയ സ്നേഹവും സൗഹൃദവും എന്നും ഓർമയിലുണ്ട്. ഇന്നും ആ സൗഹൃദങ്ങൾ നിലനിൽക്കുന്നു.

വി എ എൻ 09.08.2025

രക്ത ദാനവും പുസ്തക ദാനവും

ഞാൻ രചിച്ച ഏഴ് പുസ്തകങ്ങൾ വീതം മുപ്പത് വായനശാലകൾക്ക് സംഭാവനയായി നൽകുവാൻ സഹായിച്ച ലൈബ്രറി കൌൺസിൽ സംസ്ഥാന കമ്മിറ്റി അംഗം സ. കെ. ചന്ദ്രൻ മാസ്റ്റർക്കും കോഴിക്കോട് ജില്ല ലൈബ്രറി കൗൺസിലിന്നും നന്ദി. മറ്റ് കുറച്ചു പുസ്തകങ്ങളുടെ കോപ്പികൾ ഇല്ലാത്തത് കൊണ്ട് നൽകാൻ കഴിഞ്ഞില്ല.

സ. ഇ എം എസ്സിന്റെ 100 വാള്യം പുസ്തകങ്ങളടക്കം ഒട്ടേറെ പുസ്തകങ്ങൾ പബ്ലിക് ലൈബ്രറിക്ക് സംഭാവന നൽകാൻ സഹായിച്ചതും മാസ്റ്റർ തന്നെ.

25 കൊല്ലത്തെ ഡൽഹി കാലത്ത് സംഭരിച്ച പുസ്തകങ്ങൾ മിക്കവയും അവിടുത്തെ യൂണിയൻ ലൈബ്രറിയിൽ തന്നെ വെക്കുകയുണ്ടായി.

രക്ത ദാനം പോലെ തന്നെയാണ് പുസ്തക ദാനവും. ആവശ്യത്തിന് പുറമെയുള്ള രക്തവും പുസ്തകങ്ങളും സംഭാവന ചെയ്യാം. ഒട്ടേറെ പേർക് ഗുണമാവും. പുതു രക്തവും പുതു പുസ്തകങ്ങളും ക്രമത്തിൽ ലഭിക്കുകയും ചെയ്യും. മനസ്സിന്നു ഊർജവും സംതൃപ്തിയും.