മുതിർന്ന പൗരന്മാർക്ക് അധിക സമയം നിൽക്കാൻ പറ്റുകയില്ല. കൂടുതൽ സമയം നിൽക്കുമ്പോൾ ചിലപ്പോൾ വീണെന്ന് വരും, ബോധക്ഷയവും വന്നേക്കാം, മരണം പോലും.

പൊതു ഇടങ്ങളിൽ എല്ലാം വയോജനങ്ങൾക്ക് പ്രത്യേക സൗകര്യം ഒരുക്കണം. റയിൽവേ സ്റ്റേഷനുകളിൽ, ബസ് സ്റ്റാൻഡിൽ, സർക്കാർ ആഫീസുകളിൽ – എല്ലാ ദിക്കിലും പ്രത്യേകം ക്യൂ വേണം. അതെ പോലെ തന്നെ ഇരിക്കാനുള്ള സൗകര്യവും.

റെയിൽവേ സ്റ്റേഷനുകളിൽ വണ്ടി കാത്തു നിൽക്കുന്ന പല മുതിർന്ന പൗരന്മാരും ഇരിപ്പിടം കിട്ടാതെ വിഷമിക്കാറുണ്ട്. നല്ലവരായവർ മുതിർന്നവർക്ക് ഔദാര്യത്തോടെ ഇരിപ്പിടം ഒഴിഞ്ഞു കൊടുക്കുമെങ്കിലും എല്ലാവരും അങ്ങിനെയാവണമെന്നില്ല.

.

പാർക്കുകളിലും മുതിർന്നവർക്ക് ഇരിപ്പിടങ്ങൾ റിസർവ് ചെയ്യണം. പ്രത്യേക ഭാഗം തന്നെ നീക്കി വെക്കാം.

തുണിക്കടകളിലും മറ്റും പോയി സാധനങ്ങൾ മേടിക്കുമ്പോൾ അവിടെയും ഇരിപ്പിടം ലഭിക്കണം.

അതെ, വയോജനങ്ങളെ നിർത്തിക്കരുത്. ഇരിപ്പിടം ഉറപ്പിക്കണം.

വയോജനങ്ങൾ രാഷ്ട്ര നിർമാതാക്കളായിരുന്നവർ, അവരെ മറക്കാതിരിക്കുക.

വി ഏ എൻ നമ്പൂതിരി പ്രസിഡന്റ്‌ SCFWA 22.02.2025