അടുത്ത കാലത്ത് ചില പരിപാടികൾക്കും വിവാഹങ്ങൾക്കും ഒക്കെ പോയപ്പോൾ കണ്ട അനുഭവം പങ്കു വെക്കട്ടെ. പരിപാടിയുടെ ഉൽഘാടനമോ, വിവാഹ മാലയിടലോ തുടങ്ങിയ പ്രധാന സന്ദർഭങ്ങളിൽ നൂറ് കണക്കോ, ആയിരക്കണക്കോ ആയ ക്ഷണിതാക്കൾക്ക് സ്റ്റേജും പരിപാടിയും ഒട്ടും കാണാൻ കഴിയാത്ത വിധത്തിൽ ഒട്ടേറെ ഫോട്ടോഗ്രാഫർമാർ മുന്നിൽ നിന്നു ഫോട്ടോവും വീഡിയോവും എല്ലാം എടുക്കുന്നുണ്ടാവും. ഫോട്ടോകൾ നല്ല വിധത്തിൽ പത്രത്തിൽ പ്രസിദ്ധീകരിക്കാനും ആൽബങ്ങൾ തെയ്യാറാക്കാനും ഇത് ആവശ്യം തന്നെ. പക്ഷെ അവിടെ പരിപാടി കാണാൻ വന്നിരിക്കുന്നവർക് അത് കാണാൻ കഴിയില്ലെന്ന ദുസ്ഥിതിയും ഉണ്ടാവുന്നു.

ഇതെങ്ങിനെ ഒഴിവാക്കാം? സാങ്കേതിക വിദ്യ വളരെ പുരോഗമിച്ച ഇക്കാലത്തു, ഇരുവശങ്ങളിൽ നിന്നു കൊണ്ട് , ക്ഷണിതാക്കൾക്ക് മറവില്ലാതെ പരിപാടി കാണാൻ കഴിയുന്ന വിധത്തിൽ, ഫോട്ടോയും വീഡിയോവും മറ്റും എടുക്കുവാൻ ഉള്ള സംവിധാനം ഏർപ്പാട് ചെയ്തുകൂടെ?

വി എ എൻ 10.02.2025