‘ സമരം, ജീവിതം ‘ പ്രസിദ്ധീകരിച്ച് ഇന്നേക്ക് മൂന്നു വർഷം. സരോജ് ഭവനിൽ വെച്ച് പ്രസിദ്ധീകരിക്കുവാൻ തീരുമാനിച്ചുവെങ്കിലും കോവിഡ് പടർന്നു പിടിക്കുന്ന സാഹചര്യത്തിൽ ഓൺലൈൻ ആയി നടത്തി. സഖാക്കൾ എ കെ പദ്മനാഭൻ, ടി പി രാമകൃഷ്ണൻ എം എൽ എ അടക്കം ഒട്ടേറെ പ്രിയപ്പെട്ടവർ പങ്കാളികളായി. പുസ്തക പ്രകാശന പരിപാടിക്ക്‌ സഖാക്കൾ പി എം വി പണിക്കർ, കെ കെ സി പിള്ള, എ കെ രമേശ്‌ തുടങ്ങി ഒട്ടേറെ സഖാക്കൾ മുൻകൈയെടുത്തു. രണ്ടു മാസത്തിനകത്ത് രണ്ടാമത്തെ പതിപ്പും ഇറക്കാൻ കഴിഞ്ഞു.
ചിന്ത, ദേശാഭിമാനി വാരികപ്പതിപ്പ് കൈരളി, വയോജന വാർത്ത, പെന്ഷണർ ലിങ്ക്, BSNL ക്രൂസെഡർ തുടങ്ങി പലതിലും അഭിപ്രായങ്ങൾ വരികയുണ്ടായി. പല സഖാക്കളും കത്തിലൂടെയും നേരിട്ടും അഭിനന്ദനം അറിയിക്കുകയും ചെയ്തു. സുഹൃത്തുക്കളും പ്രത്യേകിച്ച് വിവിധ സംഘടനാ പ്രവർത്തകരും പുസ്തക വില്പനയിൽ കാര്യമായി സഹായിച്ചു. സ. പി വി സി മാത്രം ഏകദേശം 1000 ത്തോളം പേരുടെ മേൽവിലാസം അയച്ചു തരികയും അവർക്കു പുസ്തകങ്ങൾ വി പി പി യായി അയച്ചു കൊടുക്കുകയും ചെയ്തു.
പ്രകാശന ദിവസം 25,000 രൂപ മുഖ്യമന്ത്രിയുടെ റിലീഫ് ഫണ്ടിലേക്ക് പുസ്തക വരുമാനത്തിൽ നിന്നു മുൻകൂറായി സംഭാവന നൽകുകയുണ്ടായി. രണ്ടാം എഡിഷൻ പ്രസിദ്ധീകരിച്ചപ്പോൾ അതിന്നു മുൻകൈയെടുത്ത AIBDPA സംസ്ഥാന കമ്മിറ്റിക്കും മുൻകൂറായി 25,000 രൂപ സംഭാവന നൽകി.
പുസ്തകത്തിന്റെ ഇംഗ്ലീഷ് പതിപ്പ് ‘ My Life, Struggles ‘ ഏകദേശം അതേ സമയം ബാംഗ്ലൂരിൽ വെച്ച് 500 ൽ പരം ടെലികോം സഖാക്കളുടെ യോഗത്തിൽ വെച്ച് AIIEA യുടെ സമുന്നത നേതാവ് സ. അമാനുള്ള ഖാൻ പ്രകാശനം ചെയ്തു. BSNLEU കർണാടക സർക്കിൾ സെക്രട്ടറി സ. എഛ് ഡി സുദർശൻ ആണ് അതിന്നു മുൻകൈ എടുത്തത്. 350 ലേറെ കോപ്പികൾ അവിടെ വെച്ച് തന്നെ മേടിക്കപ്പെട്ടു. തുടർന്നു AIBDPA, NCCPA അഖിലേന്ത്യ സമ്മേളനങ്ങളിൽ വെച്ച് മിക്കവാറും ബാക്കി കോപ്പികളും ചിലവായി.
മലയാളം പുസ്തകത്തിന്റെ 100 ൽ പരം കോപ്പികൾ കയ്യിലുണ്ട്. ആവശ്യക്കാർ അറിയിച്ചാൽ വി പി പി ആയി അയക്കാം. പുസ്തക വില 250 രൂപ. വില്പന വില 200 രൂപ. വി പി പി ചാർജ് അടക്കം 250 രൂപക്ക് അയക്കും.
പുസ്തക പ്രസാധനവുമായും പുസ്തകം മേടിച്ചും അഭിപ്രായം അറിയിച്ചും സഹകരിച്ച എല്ലാവർക്കും നന്ദി!
വി എ എൻ 27.04.2024 Mobile : 9868231431
<img class="x16dsc37" role="presentation" src="data:;base64, ” width=”18″ height=”18″ />
All reactions:

Haridasan Nambiar, Sreeja Pramod and 7 others